Досжан ақынның туып-өскен жері Нарын құмының Беғайдар мекені (бұрыңғы Гурьев облысы, Махамбет ауданы, «Новобогат совхозының аймағы). Ескі ру жігіне қарағанда Кіші жүз ішіндегі Байұлының Есентемір руынан, оның Көн деген атасынан шыққан. Жасынан өжет, алған бетінен қайтпас, батыл боп өскен Досжанның ақындық аты елге ерте жайылады. Өмірінің соңғы жылдарында өткір тілімен, өжет мінезімен Бегелы деген ел билеушінің көз қырына ілігіп, жаламен ұсталады. Ақыры патша жендеттері ақынды Гурьев түрмесінде азаптап өлтірген. Досжан жырларынан әсіресе ел арасына кең тарағаны - түрмеде жатып шығарған «Даусым, саған не болды» деген толғауы.
|
